आरोप प्रत्यारोपमै बित्यो शीर्षदल बैठक
May 14, 2012

काठमाडौँ, ३१ वैशाख । संविधान निर्माणको विवाद टुङ्ग्याउनका लागि भनेर बसेको लोकतान्त्रिक मधेशी मोर्चासहितको प्रमुख तीन राजनीतिक दलको बैठक आइतबार पनि बिना निष्कर्ष सकिएको छ । बैठकस्थलबाट निस्किएका नेताहरू एक अर्का दललाई आरोप प्रत्यारोप गर्दै निस्किएपछि सहमतिको सम्भावना न्यून हुँदै गएको सङ्केत गरेको छ । नयाँबानेश्वरस्थित सेना समायोजन विशेष समितिको सचिवालयमा बसेको बैठकपछि एकीकृत नेकपा (माओवादी)का उपाध्यक्ष नारायणकाजी श्रेष्ठले नेपाली काँग्रेस र नेकपा(एमाले) सङ्घीयताको पक्षमा नभएकोले सहमति हुन नसकेको बताउनुभयो । उहाँले भन्नुभयो–‘काँग्रेस र एमाले बाध्य भएर सङ्घीयता भनेपनि व्यवहारमा त्यसलाई स्वीकार गर्न सकिरहेका छैनन्, उनीहरू खाँेचे थापिरहेका छन् र साम्प्रदायिकतामा रमाइरहेका छन् ।’उहाँले तमोर, लुम्बिनी(थारुवान जस्ता भौगोलिक नाम र पहिचान दुबैलाई मिश्रितरूपमा राखेर  सङ्घीय प्रदेशको नाम राख्ने भनेर आफनो पार्टीले प्रस्ताव राखेपनि त्यसलाई अस्वीकार गर्दै संविधान नबनाउने खेलमा अन्य दल लागेको बताउनुभयो ।

• read more...

बन्द, हड्तालको याम
May 14, 2012

“नेपालीका तीन काम बन्द, हडताल ,चक्काजाम ” यसलाई लोकोक्तिकै तहमा राख्नुपर्ने बेला भएको छ , उखान कै रुप दिनुपर्ने भएको छ । हुन त नेपालमा मात्र बन्द, हड्तालजस्ता जनतालाई अप्ठेरो पर्ने काम हुँदैन, यो दक्षिण एशियाली क्षेत्रकै रोग हो । तर नेपालमा जत्तिको बन्द, हडताल शायदै अन्त हुन्न होला । विकशित मुलुकमा पनि प्रदर्शन, हड्ताल हुन्छ तर जुन समुदायले हड्ताल गरेको हो, त्यो बाहेक अरुलाई दुःख दिने काम हुँदैन । नेपालका राजनीतिक दलहरुले नै बन्द,हड्ताल र चक्काजामको संस्कृति सिकाएका हुन् । पछिल्लो जनआन्दोलन लगातार १९ दिन बन्द गरेपछिमात्र वारपार भएको थियो । ठूल(ठूला युगान्तकारी परिवर्तनहरुरुका लागि  यस्ता बन्दलाई केही हदसम्म उचित भन्न सकिएला यहाँ त लोग्ने स्वास्नी झगडा गर्दा, कुखुराको चल्ला गाडीले किचेर म¥यो भनि क्षतिपूर्तिका लागि  पनि राजमार्ग बन्द गरेका थुप्रै उदाहरणहरु छन् ।

• read more...